THE CHILDREN'S LITERATURE DEVELOPMENT FUND



ირმა მალაციძე

ყინვა


სადაცაა, მოთოვს,
ყინვა მინებს მორთავს,
უხარია ტატოს,
უხარია ოთარს.

_ ნეტავ ფანჯრის ხატვას,
ყინვა ჩვენთვის ცდილობს?
არ სჭირდება ნეტავ
ფუნჯები და ტილო?

მოდი, ჩვენ დავასწროთ,
გამოგვივა უკეთ,
თუ გამოვა ღია,
ცოტას გავამუქებთ.

გადაწყვიტეს უმალ,
მოიმარჯვეს ფუნჯი,
ერთს ღებავენ მწვანედ,
მეორეს კი – ლურჯით.

ესეც ასე, მოვრჩით,
უხარია ტატოს,
ახლა როგორც უნდა,
ყინვამ ისე ხატოს.